Македонската асоцијација за нумерирање на артиклите - GS1 Македонија во соработка со GS1 Србија, на 12 јуни 2009 година, во Стопанската комора на Македонија одржа семинар „Со GS1 стандардите до информатички здравствен систем”.
    Според присуството на околу 100 учесника на семинарот, се оценува дека во Македонија постои огромен интерес  за едукативни семинари од областа на примената на GS1 стандардите во здравството и фармацијата. Меѓу учесниците  беа еминентни претставници на: Министерството за здравство, Фондот за здравство, Бирото за лекови, Медицинскиот факултет, институтите, клиниките, приватните болници, веледрогериите, аптеките, производителите на фармацевтски производи и медицинска опрема, менаџментот, раководители на информатичките сектори, логистиката и означувањето  и  софтверските куќи. 

Македонската асоцијација за нумерирање на артиклите - GS1 Македонија, на 2.4. 2009 година,  ја одржа 5. - та  седница на Управниот одбор и 4.-та седница на Генералното Собрание на коишто беа сумирани резултатите постигнати во 2008 година и презентирани програмските активности за годинава.

GS1 Македонија во рамките на своите меѓународни активности учествуваше на Глобалниот Форум одржан 16 до 20 февруари 2009 година во Брисел, во организација на Меѓународната GS1 организација, на којшто присуствуваа околу 520 претставници на националните GS1 организации од целиот свет, како и претставници на корисниците на GS1 системот и претставниците на фирмите кои помагаат при имплементацијата на  GS1 системот (solutions providers).